मेडिकल र डेन्टलका इन्टर्न चिकित्सकको भत्ता समान बनाउन चिकित्सा शिक्षा आयोगको निर्देशन

काठमाडौँ । चिकित्सा शिक्षा आयोगले मेडिकल र डेन्टल विषयका स्नातक तहका विद्यार्थीहरूले पाउने इन्टर्नसिप भत्तामा रहेको असमानता हटाउन निर्देशन दिएको छ ।

विभिन्न शिक्षण संस्थाहरूमा इन्टर्नसिप भत्ता समान नभएको र कतिपय मेडिकल कलेजहरूमा यो अत्यन्तै न्यून रहेको भन्दै विद्यार्थीहरूबाट गुनासो प्राप्त भएपछि आयोगले यस्तो कदम चालेको हो ।