मल हिनामिना प्रकरणमा दोषी ठहरिएका इटहरीका राई पक्राउ

रासायनिक मल हिनामिनासम्बन्धी भ्रष्टाचार मुद्दामा विशेष अदालत काठमाडौँबाट दोषी ठहर भई कैद र जरिवाना तोकिएका फरार प्रतिवादी इटहरी–११ निवासी दिलचन्द्र राईलाई प्रहरीले पक्राउ गरेको छ।

२०७९ साल भदौ २८ गतेको फैसलाअनुसार राईलाई दुई वर्ष छ महिनाको कैद र ७ लाख ५३ हजार ६७५ रुपैयाँ जरिवाना गरिएको थियो। फैसला पछि फरार रहेका राईलाई बिहीबार गोप्य सूचनाका आधारमा सामुदायिक प्रहरी बिट भवानीपुर, इटहरीबाट खटिएको टोलीले उनको घर नजिकैबाट पक्राउ गरेको हो।