इजरायली सेनाद्वारा ६० भन्दा बढी लडाकु विमानमार्फत रातभर आक्रमण

जेरुसेलम । इजरायली सेनाले बिहीबार रातभर तेहरानका दर्जनौं ठाउँमा गरेको आक्रमणका क्रममा ‘इरानको आणविक हतियार परियोजना अनुसन्धान र विकास केन्द्र’लाई समेत निसानामा पारेको छ । इजरायली सेनाले तेहरानको मुटुमा शृृंखलाबद्ध आक्रमण सम्पन्न गरेको जनाएको छ ।

सैन्य क्षेप्यास्त्र उत्पादनस्थल र इरानको आणविक हतियार परियोजनाको अनुसन्धान र विकासका लागि ‘अर्गनाइजेसन अफ डिफेन्सिभ इनोभेसन एन्ड रिसर्च (एसपीएनडी)’ मुख्यालयसहित दर्जनौं लक्ष्यमा प्रहार गरिएको उसले बताएको छ । इजरायली सेनाका अनुसार एसपीएनडी मुख्यालय इरानी शासनको सैन्य क्षमतालाई समर्थन गर्ने उन्नत प्रविधि र हतियार अनुसन्धान र विकासका लागि प्रयोग गरिन्छ ।