पेट्रोलियम पदार्थको मूल्य स्थिर

काठमाडौँ। नेपाल आयल निगमले पेट्रोलियम पदार्थको मूल्य यथावत् राखेको छ। अन्तर्राष्ट्रिय बजारमा पेट्रोलियम पदार्थको मूल्यमा भइरहेको उतारचढावका कारण स्वचालित मूल्य प्रणालीअनुसार समायोजन हुन नसकेको अवस्थामा निगमले हालको खुद्रा बिक्रीमूल्य यथावत् राख्ने निर्णय गरेको हो।

इन्डियन आयल कर्पोरेसनबाट प्राप्त नयाँ खरिद मूल्यका आधारमा निगम सञ्चालक समितिको १ असारमा बसेको बैठकले सोमबार मध्यराति १२:०१ बजेदेखि लागू हुनेगरी साबिककै मूल्य कायम राख्ने निर्णय गरेको प्रवक्ता मनोजकुमार ठकुरले बताए।