इजरायली सेनाको आक्रमणमा हिजबुल्लाहका कमान्डर आबेद हर्वको मृत्यु

एजेन्सी । इजरायली सेनाले शुक्रबार एक आक्रमणमा हिजबुल्लाहको इन्जिनियरिङ एकाइका कमान्डर आबेद हर्बलाई मारेको दाबी गरेको छ ।

लेबननी समूहले भने यस हत्याको पुष्टि गरेको छैन । सामाजिक सञ्जाल एक्समा एक विज्ञप्ति जारी गर्दै इजरायली सैन्य बलले हर्ब दक्षिण लेबननमा सक्रिय इजरायली सेनालाई लक्षित गरी विस्फोटक पदार्थ जडान गर्ने र सक्रिय पार्ने कार्यमा संलग्न रहेको दाबी गरेको छ । वायुसेनाले एक रकेट लोन्चरमाथि प्रहार गरी त्यसलाई नष्ट गरेको पनि सेनाले बताएको छ ।