बगरलाई बगैँचा बनाउने अभियानमा जुट्दै युवा

महोत्तरी । चार दशकअघि बर्दिबास नगरपालिका–१२ र १३ बिजलपुराको मा रातु नदीमा आएको बाढीले बगर बनाएको क्षेत्रमा विभिन्न प्रजातिका बिरुवा लगाउन यहाँका युवा जुटेका छन् । ‘बिजलपुरा रूपान्तरण अभियान’ मार्फत हरियाली बनाउँदै पर्यावरण प्रवर्द्धन र आर्थिक उपार्जनका लागि यहाँका युवा ‘बगर बगैँचा अभियान’ मा जुटेका हुन् ।

विसं २०४० अघि पटकपटक रातु नदीमा आएको बाढीले बगर बनाएको पश्चिमी भँगालोमा पर्ने एक हजार बिघाभन्दा बढी जग्गालाई बगर बगैँचा बनाउने अभियानमा युवा जुटेका बिजलपुराका प्रमोदकुमार महतोले बताए ।