मध्यराति सुदूरपश्चिम सरकारको बजेट, प्रतिपक्षद्वारा संसद् बहिस्कार

धनगढी । सुदूरपश्चिम प्रदेश सरकारले मध्यराति बजेट प्रस्तुत गर्दा प्रतिपक्ष दल नेकपाले प्रदेश सभा बैठक बहिस्कार गरेको छ ।

झण्डै ७ घण्टा ढिलो गरी सुरु भएको बैठकमा सरकारको कार्यशैलीप्रति कडा आपत्ति जनाउँदै प्रतिपक्षी सांसदहरूले बैठक बहिस्कार गरेका हुन् । बैठकको सुरुमै समय मागेर बोल्दै नेपाली कम्युनिस्ट पार्टीका सांसद मानबहादुर धामीले मध्यराति बजेट ल्याएर सरकारले नाटक गरेको आरोप लगाए ।