सार्वजनिक स्थानमा झगडा गर्ने ४ जना पक्राउ

पोखरा महानगरपालिका-९ नयाँबजारमा झगडा गर्ने ४ जना पक्राउ परेका छन्।

पक्राउ पर्नेहरूमा तनहुँको भानु नगरपालिका-१२ का ३२ वर्षीय विजय अधिकारी, धादिङको त्रिपुरासुन्धरी नगरपालिका-२ घर भएको २२ वर्षीय राजकुमार परियार, स्याङ्जाको पुतलिबजार नगरपालिका-२ का २४ वर्षीय सुजन परियार र पोखरा महानगरपालिका-१३ मियापाटनका २३ वर्षीय निरज आले मगर रहेका छन्। बिहीबार नयाँबजारमा दुई जना व्यक्ति एक आपसमा झगडा गरेको भिडियो सामाजिक सञ्जालमा भेटिएको थियो।