अध्ययन र असाधारण बिदाको दुरुपयोग रोक्न सरकार तयार

निजामती प्रशासनभित्र अध्ययन र असाधारण बिदामा देखिएको बेथिति नियन्त्रण गर्न सरकारले कडा कदम चाल्ने तयारी गरेको छ। लामो समयदेखि बिदामा बसेर सम्पर्कविहीन भएका तथा बिदा अवधि समाप्त भए पनि कार्यक्षेत्रमा नफर्किएका कर्मचारीमाथि कानुनी कारबाही प्रक्रिया अघि बढाइने भएको छ।

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले बिहीबार (जेठ २१) सूचना जारी गर्दै अध्ययन बिदा तथा असाधारण बिदामा रहेका कर्मचारीहरूको विवरण अद्यावधिक गर्न सम्बन्धित निकायहरूलाई निर्देशन दिएको हो।