मोरङमा मतदाता सङ्ख्या ७ लाख ८३ हजार नाघ्यो, कुन निर्वाचन क्षेत्रमा कति ?

मोरङ। आगामी फागुन २१ गते हुने प्रतिनिधिसभा निर्वाचनका लागि मोरङ जिल्लामा मतदाता सङ्ख्या ७ लाखभन्दा बढी पुगेको छ । निर्वाचन आयोगको वेबसाइटमा उपलब्ध तथ्याङ्कअनुसार मोरङमा कुल मतदाता सङ्ख्या ७ लाख ८३ हजार ५० पुगेको हो ।

आयोगका अनुसार २०७९ सालको प्रतिनिधिसभा निर्वाचनमा मोरङमा ७ लाख ३५ हजार ५ सय ३५ मतदाता रहेका थिए । यससँग तुलना गर्दा पछिल्लो अवधिमा जिल्लामा ४७ हजार ५ सय २५ मतदाता थपिएका छन् ।