बोल्न पनि छोड्यौ गल्ति, भेटेर पो हो कि
त्यो दिलमा अर्कै नाम, लेखेर पो हो कि
एक भन्दा अर्को धनि,साथिहरु तिम्रा
कुनै एकको मायाले, पेलेर पो हो कि
जे गरेनी राम्रो पैले, खोट देख्छौ येले
बाध्यताको भूमरीले, घेरेर पो हो कि
कति अग्लो सोच थियो, शिखरनै चुम्ने
कुरीतिको पर्खालले, छेकेर पो हो कि
बस्तु जस्तै मन पनि, बजारमा तिम्ले
लिलाम बढाबढमा, बेचेर पो हो कि
बोल्न पनि छोड्यौ गल्ति,भेटेर पो हो कि
त्यो दिलमा अर्कै नाम, लेखेर पो हो कि
--------
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|
Liked by:
