किन्दाओको जर्मन विरासत र व्यापारिक अनुभव

गतवर्ष सन् २०२५ अक्टोबरमा व्यापारिक सिलसिलामा चीन जाने अवसर मिल्यो । चीनको भ्रमण धेरैपटक गरे पनि पहिलोपटक म पूर्वी उत्तरी शहर किन्दाओ जाँदै थिएँ । काठमाडौँबाट एयर चाइनाको विमान चढी हामी छेन्दु अवतरण ग¥यौँ । चीनको भ्रमण जहिले पनि भागदौडपूर्ण हुने भएकाले यसपटक अलि सहज बनाउन दीपकजी र मैले छेन्दुमा एकरात बस्ने निर्णय गरेका थियौँ । हामीले एयरपोर्टभित्रै रहेको होटलमा कोठा बुक गरेका थियौँ ।

चीनमा मलाई लागेको कुरा के भने, भारतमा जस्तो होटलको कोठा पाउन गाह्रो छैन । दिल्लीको एरोसिटीमा रहेका होटलहरूमा कोठा पाउनै गाह्रो मात्र होइन, चीनभन्दा महँगा पनि छन् । चीनको जनसंख्या भारतको बराबर भए पनि व्यापारिक आवतजावत चीनमा अझ बढी छ । तर पनि होटलहरू सहजै र सुलभ मूल्यमा पाइन्छन् । मलाई लाग्छ, चीन सरकारले यस विषयमा विशेष ध्यान दिएको छ, ताकि व्यापार व्यवसाय प्रोत्साहन गर्न आउने व्यापारीहरूलाई सहजता महसुस होस् ।