नेपालमा विपत् प्रभावितका लागि हाम्रो पात्रो प्रयोगकर्ताबाट रु. १ करोड २५ लाख सहयोग

काठमाडौँ। हाम्रो पात्रोका प्रयोगकर्ताहरूले सामूहिक रूपमा प्रधानमन्त्री दैवी प्रकोप उद्धार कोषमा रु. १ करोड २५ लाख रकम सहयोग गरेका छन्। नेपालमा हालै भएको विनाशकारी विपद्बाट प्रभावित परिवार तथा समुदायको राहत, पुनःस्थापना र पुनर्निर्माणमा सहयोग पुर्‍याउने उद्देश्यले सो रकम जुटाइएको हो।

हाम्रो पात्रो कम्युनिटीको तर्फबाट उक्त रकम अर्थमन्त्री डा. स्वर्णिम वाग्लेलाई औपचारिक रूपमा हस्तान्तरण गरिएको छ। सहयोग रकमसँगै यस अभियानमा योगदान गर्ने सम्पूर्ण सहयोगीहरूको नामावलीसमेत सरकारलाई बुझाइएको कम्पनीले जनाएको छ। यसबाट प्रत्येक सहयोगीको योगदान अभिलेखित हुने र उक्त सहयोग हाम्रो पात्रो समुदायको सामूहिक योगदानका रूपमा पहिचान हुने अपेक्षा गरिएको छ।