चीनमा कार्गो जहाजमा आग*लागी हुँदा २० जनाको मृ*त्यु

चीनको एक बन्दरगाहमा रोकी राखिएको विदेशी ध्वजाबाहक कार्गो जहाजमा आगलागी हुँदा कम्तीमा २० जनाको मृत्यु भएको र पाँच जना बेपत्ता भएका चिनियाँ सञ्चारमाध्यमले जनाएका छन्। पूर्वी समुद्री केन्द्र छिङदाओमा सामान लोड गर्ने स्थानमा रहेको कार्गो जहाजमा आगलागी हुँदा कम्तीमा २० जनाको मृत्यु भएको चीनको राष्ट्रिय प्रसारक सीसीटीभीले जनाएको छ।

सीसीटीभीका अनुसार जहाजमा चालकदलका सदस्यसहित ४२ जना कर्मचारी थिए। आगलागीपछि १७ जनालाई सकुशल उद्धार गरिएको छ। पाँच जनालाई घाइते अवस्थामा उद्धार गरिएको छ भने थप पाँच जना अझै बेपत्ता छन्। २० जना घटनास्थलमै मृत भेटिएको सीसीटीभीले जनाएको छ।