एनपिएलमा १६ वर्षीय छोरा विपिनले पाएको सफलता सुनेर रोइन् आमा (भिडिओ)

भर्खरै सम्पन्न भएको सिद्धार्थ बैंक नेपाल प्रिमियर लिग (एनपिएल) मा कुनै नेपाली खेलाडीको सर्वाधिक चर्चा भयो भने उनी हुन्, १६ वर्षीय विपिनप्रसाद शर्मा।

सुर्खेत भेरिगंगा-८ का विपिनले प्रतियोगितामा ८ खेलबाट १३ विकेट लिए। उनले न्युजिल्यान्डको राष्ट्रिय टोलीबाट खेलेका क्रिकेटरद्वय मार्टिन गप्टिल र जिमी निशम, पाकिस्तानका सोहेल तन्विर, अस्ट्रेलियाका बेन कटिङ लगायत चर्चित विदेशी खेलाडीहरूको विकेट हात पारेका थिए। जसका कारण उनी चर्चाको शिखरमा रहन सफल भए।