सर्वोच्चको फैसलाले २४ वर्षपछि सर्दु जलाधारको ३४८ बिघा जग्गा सरकारको पूर्ण स्वामित्वमा

काठमाडौँ । २४ वर्षदेखि भूमाफिया र स्थानीयको कब्जामा रहेको धरानको सर्दु जलाधार क्षेत्रको अतिक्रमित ३४८ बिघा ५ कट्ठा र १५ धुर जग्गा सरकारको पूर्ण स्वामित्वमा आएको छ ।

सर्वोच्च अदालतका न्यायाधीशहरू शारंगा सुवेदी, टेकप्रसाद ढुंगाना र बालकृष्ण ढकालको पूर्ण इजलासले सट्टाभर्ना बापत अन्यत्र जग्गा पाइसकेर पनि तथ्य लुकाउँदै जलाधार क्षेत्रको जग्गा व्यक्तिले हडप्ने र बिक्री गर्ने कार्यलाई रोक्न अदालतले ’परमादेश’ जारी गरेसँगै सरकारको नाममा आएको हो । सर्वोच्चले उक्त फैसला २०८२ चैत १२ गते गरेको थियो ।