जर्मन उग्रवादी समूहकी पूर्व सदस्यलाई सशस्त्र डकैतीमा १३ वर्ष जेल

बर्लिन । जर्मनीको उग्रवादी समूह रेड आर्मी फ्याक्शन (आरएएफ) की पूर्वसदस्य डेनिएला क्लेट्टेलाई सन् १९९९ देखि २०१६ सम्म भएका सशस्त्र डकैतीका घटनामा दोषी ठहर गर्दै १३ वर्ष जेल सजाय सुनाइएको छ ।

६७ वर्षीया क्लेट्टे तीन दशकभन्दा बढी समय फरार रहेपछि सन् २०२४ मा बर्लिनस्थित एक फ्ल्याटबाट पक्राउ परेकी थिइन् । त्यसपछि उनीमाथि मुद्दा चलाइएको थियो । उनी पक्षका वकिलले सफाइको माग गरे पनि लोअर स्याक्सोनी राज्यको भेर्डेन अदालतले उनलाई गम्भीर डकैती, हतियार कानुन उल्लङ्घन तथा अन्य अपराधमा दोषी ठहर गरेको थियो ।