बाढीमा अभिभावक गुमाएका बालबालिकाको उच्च शिक्षासम्मको जिम्मेवारी कागेश्वरी मनोहराले लिने

काठमाडौँ । रसुवाको भोटेकोशी नदीमा आएको विनाशकारी बाढीका कारण अभिभावक गुमाएका बालबालिकाको संरक्षण र शिक्षाको सम्पूर्ण जिम्मेवारी काठमाडौँको कागेश्वरी मनोहरा नगरपालिकाले लिने भएको छ।

नगर प्रमुख उपेन्द्र कार्कीको अध्यक्षतामा शुक्रबार बसेको बैठकले रसुवा, नुवाकोट, धादिङ र चितवनमा अभिभावक गुमाएका बालबालिकालाई छात्रावासको व्यवस्थादेखि उच्च शिक्षासम्मको जिम्मेवारी लिने निर्णय गरेको हो।