६ वर्षपछि भारत–चीनबिच सीधा हवाई सेवा सुरु हुँदै

नयाँ दिल्ली । चीनले भारतसँगको प्रत्यक्ष हवाई सम्पर्क पुनः सुरु गर्ने भएको छ । चिनियाँ राष्ट्रपति सी चिनफिङको भारत भ्रमणको पूर्व सन्ध्यामा चाइना सदर्न एयरलाइन्सले आगामी २१ सेप्टेम्बरदेखि ग्वाङ्झाउ–नयाँ दिल्लीबिच नियमित यात्रुवाहक उडान पुनः सुरु गर्ने घोषणा गरेको हो ।

कोभिड–१९ महामारी र त्यसपछि भारत–चीनबिच बढेको सीमा तथा कूटनीतिक तनावका कारण करिब ६ वर्षदेखि प्रभावित रहेको प्रत्यक्ष हवाई सेवा पुनः सुरु हुनुलाई दुई देशबिचको सम्बन्धमा आएको क्रमिक सुधारको सङ्केतका रूपमा हेरिएको छ ।