भदौको करदाता प्रोत्साहन उपहार कार्यक्रम असोज १ गते घोषणा गरिने

काठमाडौं । रसुवाको भोटेकोसी नदीमा आएको विनाशकारी बाढीका कारण स्थगित भदौ महिनाको करदाता प्रोत्साहन उपहार घोषणा आउँदो असोज १ गते गरिने भएको छ । करदातालाई बिल लिन र कर तिर्ने प्रणालीमा अभ्यस्त गराउन नयाँ आर्थिक वर्षको बजेटमार्फत यो उपहार कार्यक्रम घोषणा गरिएको थियो ।

साउन १ देखि सुरु प्रोत्साहन कार्यक्रमअन्तर्गत भदौ १६ गते हुने भनिएको पुरस्कार घोषणा भोटेकोसी बाढीका कारण देशमा विपत्ति आएपछि स्थगन गरिएको थियो । असोज १ गते भदौको पुरस्कार घोषणा गर्ने तयारी गरिएको अर्थ मन्त्रालयअन्तर्गतको आन्तरिक राजस्व विभागका महानिर्देशक डा. भीष्मकुमार भुसालले जानकारी दिए ।