‘बोल्न दे सरकार’ भनि गीत गाउने बालेन आफै किन मौन ?

नेपालले ०६५ जेठ १५ गते सङ्घीय लोकतान्त्रिक गणतन्त्रको औपचारिक यात्रा सुरु गरेसँगै देशको शासन व्यवस्था जनताको प्रतिनिधित्वमा आधारित बन्यो । आज १८ वर्ष पूरा भएर १९औँ वर्षमा प्रवेश गरेको छ । देशभर गणतन्त्र दिवस मनाइँदै छ । गणतन्त्रको मूल आत्मा भनेकै पारदर्शिता, जवाफदेहिता, अभिव्यक्तिको स्वतन्त्रता र जनउत्तरदायी शासन हो ।

यस व्यवस्थामा प्रधानमन्त्री देशको कार्यकारी प्रमुख मात्र होइन, जनताको विश्वास र अपेक्षाको केन्द्र पनि हुन् । भ्रष्टाचार र सामाजिक सञ्जाल अंकुश विरुद्ध गत वर्षको भदौमा जेनजी आन्दोलन भयो । आन्दोलनपछि सरकार नै ढल्यो । भरखरै सम्पन्न निर्वाचनपछि बालेन शाह नेतृत्वको सरकार बनेको छ । तर उनी प्रधानमन्त्री भएदेखि नबोल्दा सदनदेखि सडकसम्म चर्को बहस सुरु भएको छ ।