रिसर्च र इनोभेसनमा लाग्नेलाई सरकारले सघाउने, विश्वविद्यालयदेखि गाउँसम्म इनोभेसन ल्याब खोलिने

काठमाडौं । हालै मात्र गठन भएको विज्ञान, प्रविधि तथा नवप्रवर्तन मन्त्रालयको पहिलो मन्त्री बनेका महावीर पुनले अनुसन्धान र आविष्कारमा लाग्न चाहनेहरूका लागि महत्त्वपूर्ण घोषणा गरेका छन् । मन्त्री नियुक्त भएको १२ दिनपछि आफ्नै आधिकारिक युट्युब च्यानलमार्फत एक भिडिओ सन्देश जारी गर्दै उनले नवप्रवर्तन र अप्लाइड रिसर्च (व्यवहारिक अनुसन्धान) लाई प्रोत्साहन गर्ने मन्त्रालयको भावी योजना सार्वजनिक गरेका हुन् ।

लामो समयदेखि नेपालमा विज्ञान र प्रविधिका लागि छुट्टै मन्त्रालय हुनुपर्ने माग राख्दै आन्दोलन र पैरवी गर्दै आएका पुनकै मागलाई सम्बोधन गर्दै सरकारले गत ३० वैशाखमा यो नयाँ मन्त्रालय स्थापना गरेको थियो । २६ आफ्नै पहलमा स्थापना भएको मन्त्रालयको कार्यभार जेठदेखि सम्हालेका मन्त्री पुनले विज्ञसँग ब्रेन स्टोर्मिङ (घनीभूत छलफल) गरिरहेको बताएका छन् ।