प्रचण्ड भन्छन्– क्रमभङ्ग निरन्तर गरिराख्नुपर्ने हुन्छ

काठमाडौँ । नेपाली कम्युनिस्ट पार्टी (नेकपा) का संयोजक पुष्पकमल दाहाल प्रचण्डले आफूलाई बेला बेलामा विभिन्न कोणबाट विश्लेषण गर्दै विभिन्न चित्रहरू बन्ने गरेको भन्दै गुनासो गरेका छन् । उनले आफूले क्रमभङ्गको कुरा गर्दा उत्पात नै गर्न थाल्यो भन्ने टिप्पणी हुने गरेको पनि बताए ।

नेपालको कम्युनिस्ट आन्दोलन र जननेता मदन भण्डारी विषयक विचार गोष्ठीलाई काठमाडौँमा सम्बोधन गर्ने क्रममा उनले एउटै गति र क्रममा बस्ने नेता कहीँ पनि नपुग्ने दाबी पनि गरे । प्रचण्डले आफूलाई वामपन्थी एकताका लागि हतारिएको भनेर भन्ने गरेकोमा पनि चित्त दुखाए ।