नेपालमा पहिलोपटक ‘द रिट्ज–कार्लटन’ र ‘द वेस्टिन’ भित्रिँदै, म्यारियट र चौधरी ग्रुपबीच ऐतिहासिक सम्झौता

काठमाडौं । विश्वप्रसिद्ध हस्पिटालिटी कम्पनी म्यारियट इन्टरनेशनल र नेपालको बहुराष्ट्रिय व्यापारिक घराना चौधरी ग्रुपअन्तर्गतको सीजी हस्पिटालिटी ग्लोबलबीच काठमाडौंमा दुई अल्ट्रा–लक्जरी होटल सञ्चालन गर्ने सम्झौता भएको छ ।

सम्झौतापत्रमा आइतबार आयोजित एक विशेष कार्यक्रममा हस्ताक्षर भएको थियो । उक्त अवसरमा म्यारियट इन्टरनेशनलका बोर्ड अध्यक्ष डेभिड म्यारियट, चौधरी ग्रुप तथा सीजी हस्पिटालिटी ग्लोबलका अध्यक्ष डा. विनोद चौधरी, सीजी कर्प ग्लोबल तथा सीजी हस्पिटालिटी ग्लोबलका प्रबन्ध निर्देशक एवं प्रमुख कार्यकारी अधिकृत राहुल चौधरी, म्यारियट इन्टरनेशनलका एशिया–प्रशान्त (चीनबाहेक) अध्यक्ष राजीव मेनन, दक्षिण एशियाका वरिष्ठ उपाध्यक्ष किरण एन्डिकोट तथा लगानी साझेदार आईईजी ग्रुप, आईजे ग्रुप र शर्मा एन्ड कम्पनीका अध्यक्ष एवं सञ्चालकहरूको उपस्थिति थियो ।