निर्वाचन पर्यवेक्षण प्रतिवेदन अनावरण

काठमाडौं । निर्वाचन आयोगले आगामी दिनमा मतदान प्रकृयालाई लैंगिक, अपांगता तथा समावेशी दृष्टिकोणले अझ सुदृढ बनाउने आयुक्त डा. जानकी तुलाधरले प्रतिबद्धता जनाएकी छिन् । हाल प्रतिनिधि सभामा छलफलको रुपमा रहेको निर्वाचन विधेयकले कानुनी रुप लिएपछि धेरै कमजोरीहरुमा सुधार हुने उनले बताइन् ।

महिला, कानुन र विकास मञ्च (एफडब्लुएलडी) ले आयोजना गरेको प्रतिनिधिसभा सदस्य निर्वाचन २०८२ को लैंगिक, अपांगता तथा समावेशी दृष्टिकोणबाट निर्वाचन पर्यवेक्षण प्रतिवेदन अनावरण कार्यक्रममा डा. तुलाधरले भनिन्, ‘निर्वाचन आयोगले मतदान प्रकृया लैंगिक, अपांगतामैत्री तथा समावेशी दृष्टिकोणले थप प्रभावकारी रुपमा मूलप्रवाहीकरण गर्ने, मतदान केन्द्र, मतदाता शिक्षा सामग्रीलाई क्रमशः सबैको पहुँचको मादण्डअनुसार विकास गरिनेछ ।’