अमेरिकी सरकारी कर्मचारीलाई टिकटक चलाउन छुट, हट्दै ४ वर्ष पुरानो प्रतिबन्ध

काठमाडौं । अमेरिकी सरकारका कर्मचारीले अब सरकारी उपकरणबाट टिकटक प्रयोग गर्न पाउने भएका छन् । व्यवस्थापन तथा बजेट कार्यालयले जारी गरेको नयाँ ज्ञापनपत्रले सरकारी उपकरणमा टिकटक प्रयोगमाथि रहेको प्रतिबन्ध हटाउने दिशामा महत्वपूर्ण कदम चालेको हो ।

ओएमबीको नयाँ निर्णय अमेरिकी न्याय मन्त्रालयको पछिल्लो कानुनी व्याख्यामा आधारित छ । मन्त्रालयले टिकटकको अहिलेको अमेरिकी संस्करण विगतमा प्रतिबन्धको आधार बनेको एपभन्दा संरचनागत रूपमा फरक रहेको निष्कर्ष निकालेको छ । त्यसैले सन् २०२२ मा पारित गरिएको प्रतिबन्धसम्बन्धी कानुन हालको टिकटक संस्करणमा लागू नहुने मन्त्रालयको राय छ ।