कोशीमा एमालेका सबै मन्त्रीले निरन्तरता पाउने, नेकपाका मन्त्रीको शपथ सोमबार !

विराटनगर । नेकपा एमाले र नेपाली कम्युनिस्ट पार्टी (नेकपा)बिच भएको ३ बुँदे सहमति अनुसार कोशी प्रदेश सरकार विस्तारको तयारी अन्तिम चरणमा पुगेको छ । दुई पार्टीबिच सहमति भएर सरकार विस्तारको तयारी भइरहँदा कोशी प्रदेश सरकारबाट नेपाली कांग्रेसका मन्त्रीहरूले राजीनामा दिइसकेका छन् ।

नेकपाले मन्त्रीको नामावली फाइनल गरेसँगै प्रदेश सरकार विस्तार हुने मुख्यमन्त्री कार्यालय स्रोतले जनाएको छ । ‘मुख्यमन्त्रीज्यू शुक्रबार बेलुका काठमाडौँ जानु हुन्छ,’ उक्त स्रोतले भन्यो, ‘नेकपाले दलको बैठक राखेर मन्त्रीको नाम फाइनल गर्ने भनेको छ । सबै प्रक्रिया पूरा गर्दा सोमबारतिर मन्त्रिपरिषद् विस्तार हुन्छ ।’