बाजुरामा पहिरो जाँदा दुई जना घाइते‚ एक बेपत्ता

बाजुरा– अविरल वर्षापछि आएको पहिरोमा परी बाजुराको त्रिवेणी नगरपालिका–९ ताम्सुमा दुई जना घाइते भएका छन्। एक जना बेपत्ता भएका छन्। पहिरोले दुई वटा घरमा समेत क्षति पुर्‍याएको छ।

बेलुकीदेखि लगातार परेको वर्षाका कारण पहिरो आएको हो। पहिरोमा परी त्रिवेणी नगरपालिका–९ ताम्सुका ३९ वर्षीय धर्म थापा र ४३ वर्षीय कर्णबहादुर थापाको घरमा क्षति पुगेको छ।