देउवाको पुनरागमनसँगै कांग्रेसमा दुई शक्ति केन्द्र, सभापतिको दाबीले बढायो वैधानिकता र नेतृत्वको संघर्ष

काठमाडौँ- नेपाली कांग्रेसका पूर्वसभापति शेरबहादुर देउवा फेरि सक्रिय राजनीतिको केन्द्रमा फर्किएका छन्। स्वास्थ्य उपचारका लागि लामो समय सिंगापुर बसेर बिहीबार स्वदेश फर्किएका देउवाले आफ्नै समूहका नेताहरूले व्यवस्थापन गरेको चुनदेवीस्थित सम्पर्क कार्यालयमा ‘सभापति’ लेखिएको च्याम्बरमा बसेसँगै कांग्रेसको आन्तरिक शक्ति संघर्ष नयाँ चरणमा प्रवेश गरेको हो।

देउवाको पुनरागमन पूर्वसभापतिको सक्रियतामा सीमित छैन। बिहीबारको उनको शैलीले त्यस्तै देखायो। उनको च्याम्बरमा राखिएको ‘सभापति’को नेमप्लेट र त्यसपछिका राजनीतिक गतिविधिले उनी आफूलाई अझै कांग्रेसको वैधानिक सभापति मानिरहेको संकेत दिएको छ।