पुस्ता जोड्ने पुल

समाधान के हो ? समाधान पुस्ताबीचको टकराव होइन, संवाद हो। नयाँ पुस्ताले पुरानो पुस्तालाई इतिहासको सम्मानसहित प्रश्न गर्नुपर्छ भने पुरानो पुस्ताले नयाँ पुस्ताका प्रश्नलाई लोकतन्त्रको स्वाभाविक अभ्यासका रूपमा लिनुपर्छ।

नेपालको राजनीतिक र सामाजिक बहसमा बारम्बार सुनिन्छ– ‘पुराना सबै गलत हुन्, पुराना दल सबै असफल हुन्।’ यो भनाइलाई केवल नयाँ पुस्ताको आक्रोश, असन्तुष्टि वा राजनीतिक अपरिपक्वताको परिणाम भनेर बुझ्नु पर्याप्त हुँदैन। यसको गहिराइमा पुग्ने हो भने समस्या पुस्ताबीचको दूरीमात्र होइन, संवादमा पनि समन्वयको अभाव हो।