अन्तर्राष्ट्रिय कृत्रिम बुद्धिमत्ता ओलम्पियाडमा नेपाललाई पहिलोपटक पदक

काठमाडौं । अन्तर्राष्ट्रिय कृत्रिम बुद्धिमत्ता ओलम्पियाडमा नेपालले इतिहासमै पहिलो पदक जितेको छ । कजाखस्तानको अस्तानामा अगस्ट २ देखि ८ सम्म सम्पन्न तेस्रो अन्तर्राष्ट्रिय कृत्रिम बुद्धिमत्ता ओलम्पियाडमा नेपाली विद्यार्थी सिद्धान्त चतुर्वेदीले कांस्य पदक जितेका हुन् ।

प्रतियोगितामा सहभागी नेपालका चारै जना विद्यार्थी सम्मानित भएका छन् । त्यस्तै यो प्रतियोगितामा प्रसिद्ध मैनाली, पीताम्बर लामिछाने र आयुष यादवले विशेष प्रशंसा प्राप्त गरेका छन् । चारै जना काठमाडौंको माइतीघरस्थित सेन्ट जेभियर्स कलेजका विद्यार्थी हुन् ।