‘गगन थापाको नेतृत्व स्वीकारेर देउवा दाइ अभिभावक बनून्’

काठमाडौं- गत पुसको अन्तिम साता आयोजित नेपाली कांग्रेसको विशेष महाधिवेशनपछि पुष्पा भुसाल उपसभापति बनिन् । निर्वाचन आयोग र सर्वोच्च अदालतले विशेष महाधिवेशनपछि सभापति बनेका गगन थापा नेतृत्वको कांग्रेसलाई आधिकारिकता दिइसकेका छन् । तर, त्यसअघि सभापतिस रहेका शेरबहादुर देउवा बिहीबार पाँच महिनाको विदेश बसाइपछि नेपाल फर्केर पार्टी सभापतिकै हैसियतमा छुट्टै कार्यालय खडा गरेर बसेका छन् ।

चुनदेवीमा पार्टी कार्यालय बनाएर बसेका देउवाले विशेष महाधिवेशनबाट आएको नेतृत्वलाई स्वीकार गरेर अभिभावकीय भूमिका खेल्दै पार्टी एकीकरणतर्फ लाग्नुपर्ने भुसालको सुझाव छ । खबरहबसँगको कुराकानीका क्रममा उनले देउवा नेपाल आएर सभापतिकै हैसियतमा चुनदेवीमा बस्नुहोला भन्ने आफूहरूले कल्पना नगरेको बताइन् । उनी देउवाहरु कांग्रेसको संस्कारभन्दा बाहिर गएको विश्लेषण गर्छिन् ।