विस्थापन!

अन्धकार रातमा चम्केका ताराहरूले देउसी-भैलो खेले जस्तै देखिन्थ्यो। बाहिर सडक पेटीमा केही खानेकुराको खोजीमा कुकुर ग्याङ टोलीहरू जसका मालिक थिएनन्, उनीहरू ङ्यारङुर गरेको सुनिन्थ्यो। बेलाबेला भिडन्तको रस्साकस्सी चल्दा सडकमा राइडसेयरिङ गर्नेहरू मडारिँदै बत्तिँदै गलत लेनमा पुग्थे। अन्तरमनमा सानो टेलिफिलिम चलेजस्तै हुन्थ्यो। डर पैदा हुन्थ्यो।

शुकलाल देब्रे कोल्टे फर्कियो। दाहिने नयनबाट अश्रुधारा बग्दै देब्रे गाला छपक्कै भिजिसकेको थियो। सिरान मुन्तिरको २० रुपैयाँको नोटमा समेत नुनिलो आँसुले स्पर्श गरिसकेको थियो। बेलाबेला सिरकको छेउले आँसु सोहोर्थे। हिक्कहिक्क र सुँक्कसुँक्कलाई सुनसान वातावरणमा प्रसार हुन ऊ सचेत थियो, मानौँ वातावरण नखलबलिउन्।