सरकारी कर्मचारीको वैदेशिक भ्रमणमा पूर्वस्वीकृति अनिवार्य, फर्किएपछि ५ दिनभित्र सिकाइ बाँड्नुपर्ने

काठमाडौं । सरकारी कर्मचारीको वैदेशिक भ्रमणलाई व्यवस्थित, पारदर्शी र मितव्ययी बनाउन सरकारले नयाँ व्यवस्था लागू गरेको छ। अब कुनै पनि सरकारी कर्मचारीलाई वैदेशिक भ्रमणमा पठाउनुअघि अनिवार्य रूपमा पूर्वस्वीकृति लिनुपर्ने भएको छ।

प्रधानमन्त्री तथा मन्त्रिपरिषद्को कार्यालयले सबै मन्त्रालय तथा सरकारी निकायलाई परिपत्र गर्दै कर्मचारी मनोनयन गर्नुअघि वैदेशिक भ्रमणको पूर्वस्वीकृति लिन निर्देशन दिएको हो।