चुनावमा दूरसञ्चार सेवा चुस्त राख्न प्राधिकरणले दियो निर्देशन

काठमाडौ । नेपाल दूरसञ्चार प्राधिकरणले सेवा प्रदायक कम्पनीहरुलाई चुनावका दिनमा दूरसञ्चार सेवालाई थप प्रभावकारी राख्न निर्देशन दिएको छ ।

प्राधिकरणले सूचना जारी गर्दै मंसिर चार गते हुन गइरहेको निर्वाचनलाई ध्यानमा राख्दै अत्यावश्यक सेवाको रुपमा रहेको दूरसञ्चार सेवालाई थप प्रभावकारीताका साथ सञ्चालन गर्न र प्राविधिक कारणबाट सेवा प्रवाहमा अवरोध सृजना हुन नदिन निर्देशन दिएको हो ।