पोखरा अन्तरराष्ट्रिय विमानस्थल : सोमवार बिहानदेखि यान्त्रिक उडान

काठमाडौं । पोखरा अन्तरराष्ट्रिय विमानस्थलमा क्यालिब्रेशन फ्लाइट (यान्त्रिक उडान) सोमवारबाट शुरू हुने भएको छ । त्यसका लागि एरो थाईको जहाज शनिवार बिहान पोखरास्थित पुरानो विमानस्थलमा पुगेको छ ।

मुख्य निर्माणका कार्य र रिठ्ठेपानी डाँडाको १४ मीटर काटेपछि उक्त विमानस्थलमा क्यालिब्रेशन उडान गर्न लागिएको हो । आन्तरिक विमानस्थलको हबका रूपमा रहेको उक्त क्षेत्रबाट अन्तरराष्ट्रिय उडानको तयारीका लागि पनि क्यालिब्रेशन उडान गर्न लागिएको हो । विमानस्थल आयोजना प्रमुख विनेश मुनंकर्मीले शनिवार बिहान एरो थाईको जहाज पुरानो विमानस्थलमा अवतरण भएको जानकारी दिए ।