विद्यालयमा ‘कप्तान’ र ‘उप–कप्तान’ छनोटका लागि निर्वाचन

गुल्मीको एक सामुदायिक विद्यालयमा संसदीय निर्वाचनलाई झल्को दिने गरी विद्यार्थी नेतृत्व छनोट गर्न लागि मतदान गरिएको छ। यस जिल्लाको रेसङ्गा नगरपालिका वडा नम्बर ४, अर्खलेस्थित बुद्ध माध्यमिक विद्यालयमा ‘कप्तान’ र ‘उप–कप्तान’ छनोट गर्न मतदान गरिएको विद्यालयका प्रधानाध्यापक एवम् प्रमुख निर्वाचन अधिकृत गणेश बहादुर अधिकारीले जानकारी दिनभयो।

प्रमुख निर्वाचन अधिकृत अधिकारीका अनुसार विद्यार्थीहरुकाबिच सहमति नजुटेपछि यस विद्यालयमा पहिलो पटक निर्वाचन प्रक्रियबाट ‘कप्तान’ र ‘उप–कप्तान’ छनोट गरिएको हो। कप्तानका लागि दुई जना र उपकप्तानका लागि तीन जना विद्यार्थी उम्मेदवार बन्नुभएको हो। कप्तानका लागि कक्षा १० का सुदीप पाण्डे र कक्षा ९ की सृष्टि विक उम्मेदवार बन्नुभएको हो। उपकप्तानका लागि कक्षा ९ का प्रज्वल भण्डारी, कृशा गौतम र र कक्षा १० की सृजना नेपाली उम्मेवार बन्नुभएको हो।