पुस्तान्तरित अपराध जनताकै लागि चुनौती

राज्य संयन्त्रलाई राजनीतिक अपराधीले खेलौना बनाएका छन् भन्ने कुरा पूर्वन्यायाधीश डिल्लीराज आचार्यको नेतृत्वमा गठित जाँचबुझ आयोगको प्रतिवेदनले उदांग गराएको छ । गत १५ असोजमा गठित आचार्य नेतृत्वको टोलीमा सहकुल थापा, किशोरजंग कार्की र प्रेमराज जोशीसहित ४ सदस्य थिए । आयोगलाई विद्युतीय चुरोट (भेप) र ब्रेकसुमा लुकाएर ल्याइएको तस्करीको सुन’boutमा जाँचबुझ गर्ने कार्यादेश थियो । सो छानबिन टोलीले यही १ चैतमा आफ्नो प्रतिवेदन उपप्रधान एवं गृहमन्त्री रवि लामछिानेलाई बुझाएको छ ।

टोलीको प्रतिवेदनले सत्ताशक्तिको प्रभावमा ढाकछोप गरिएका धेरै आपराधिक तथ्य उजागर गराएको छ । तस्करीका योजनाकार, प्रमुख सञ्चालक, तस्कर, साथ सहयोगी तथा संरक्षकलाई नै जोगाउन राजनीतिक शक्तिले दिएको दबाब सीआईबी प्रमुख एआईजीपी किरण बज्राचार्यले कसरी कार्यान्वयन गरिन् ? भन्ने कुरा नै सार्वजनिक गरेको छ । यस परिप्रेक्ष्यमा छानबिन आयोग धन्यवादको पात्र छ ।