भदौ २३ को बानेश्वर काण्ड : १२:४१ को त्यो एउटा घातक आदेशबाट ड्याङ-ड्याङ ढलेका थिए जेनजी प्रदर्शनकारी

काठमाडौं- सामाजिक सञ्जालमाथिको प्रतिबन्ध र चौतर्फी व्याप्त भ्रष्टाचारविरुद्ध जेनजी पुस्ताले बानेश्वरको सडकमा उतारेको आन्दोलनमा प्रहरीले चलाएको गोलीको रहस्य र प्रमाणहरू एकपछि अर्को गर्दै सतहमा आउन थालेका छन्।

गत वर्ष भदौ २३ गते नयाँ बानेश्वरस्थित अन्तर्राष्ट्रिय सम्मेलन केन्द्र (संसद भवन) बाहिर आयोजित प्रदर्शनका क्रममा ठ्याक्कै मध्याह्न १२:४१ बजे 'बुलेट गोली' चलाउने आदेश दिइएको तथ्य न्यायिक जाँचबुझ आयोगको अनुसन्धानबाट खुलेको छ।