अर्थतन्त्रको समस्याबारे शेखर-गगनले निजी क्षेत्रसँग गरे 'अर्थ संवाद'

आर्थिक तथा वित्तीय क्षेत्रमा नकारात्मक संकेत देखिन थालेका बेला सरकारमा जाने तयारी गरिरहेको नेपाली कांग्रेसका महामन्त्री गगन थापा, नेता डा. शेखर कोइराला लगायतले मंगलबार निजी क्षेत्र तथा आर्थिक विज्ञसँग साढे चार घन्टा लामो 'अर्थ संवाद' गरेका छन्।

नेकपा एमाले सरकारबाट बाहिरिएपछि अर्थ मन्त्रालय नेतृत्वविहीन छ। सरकारमा गएपछि अर्थको जिम्मेवारी कांग्रेसले सम्हाल्छ भन्ने चर्चाबीच डाकिएको छलफलमा नेताहरूले अर्थतन्त्रमा देखिएका अप्ठ्याराबारे व्यवसायीको धारणा बुझ्ने प्रयास गर्नुका साथै अर्थतन्त्रलाई गति दिन के-कस्ता काम गर्न सकिन्छ भनेर सुझाव लिएका छन्।