राजनीतिक स्थायित्वमा अदालत बाधक हुँदैन

अदालत राजनीतिक स्थायित्वको विषयमा सधैँ विवादमा आउने गर्छ । अझ भनौँ अदालतलाई विवादमा ल्याइन्छ । अदालत आफैँले कुनै काम सिर्जना गर्ने होइन, कसैले मुद्दालाई अदालतसम्म पुर्‍याए त्यसमा निर्णय गर्ने हो, यही हाम्रो न्यायिक अभ्यास छ ।

केहीबाहेक अन्यमा कसैले मुद्दा दायर गर्छ, अदालतले त्यसमा संविधान र कानुनसम्मत भएको छ कि छैन भनी न्यायिक परीक्षण गर्छ । यसरी हेर्दा राजनीतिक स्थायित्वमा अदालत कहिल्यै बाधक हुँदैन ।