प्रधानमन्त्री प्रचण्ड र कांग्रेस सभापतिबीच भेटवार्ता : राष्ट्रपतिबारे छलफल सकारात्मक

काठमाडौं । प्रधानमन्त्री पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवाबीच राष्ट्रपति निर्वाचनका विषयमा छलफल भएको छ । प्रधानमन्त्री निवास बालुवाटारमा आइतबार राति भएको बैठकमा राष्ट्रपति निर्वाचनका विषयमा छलफल भएको हो । करिब २ घण्टा भएको बैठकमा सभापति देउवाले राष्ट्रपतिको निर्वाचनमा सहयोग गर्न प्रधानमन्त्री दाहालसमक्ष आग्रह गरेका छन् ।

बैठकपछि रातोपाटीसँग कुराकानी गर्दै कांग्रेस वरिष्ठ नेता रामचन्द्र पौडेलले भने, ‘राष्ट्रपतिमा हामीले सहयोग माग्यौं । थप कुरा पनि हामीले राख्यौँ । उहाँले हाम्रो कुरालाई सकारात्मक रुपमा लिनुभएको छ । छलफल सकारात्मकरुपले अघि बढेको छ ।’