‘अस्वीकृत प्रेमको प्रतिशोधमा’ ४ जनाको सामूहिक हत्या

भोजपुर । रामप्रसाद राई गाउँपालिका–२ को धोदलेखानी बोन्थिताङ भन्ने ठाउँ भोजपुरको विकट बस्ती हो । यो ठाउँ पुग्न सदरमुकामबाट कम्तीमा ५–६ घण्टा लाग्छ । नजिकैको प्रहरी युनिटबाट टोली पठाउँदा पनि सो ठाउँमा पुग्न कम्तीमा २ घण्टा लाग्छ ।

यही ठाउँबाट आइतबार मध्यराति जिल्ला प्रहरी कार्यालय भोजपुरको प्रहरी कन्ट्रोल १०० मा एक युवकले हडबडाउँदै फोन गरे, ‘मेरो ज्यान खतरामा छ, तीन जनालाई छुरा हानेर आएको छु ।’