सिरहामा एक वर्षमा लागुऔषधका एक सय नौ मुद्दा

सिरहा । सिराहा प्रहरीले गत आर्थिक वर्ष २०८१/८२ मा जिल्लाभरबाट लागु औषधसम्बन्धी १०९ वटा मुद्दा चलाएको छ । जिल्ला प्रहरी कार्यालयसहित मातहतका प्रहरी युनिटद्वारा सञ्चालन गरिएको अभियानमा विभिन्न प्रकारका लागु औषधसहित नेपाली तथा भारतीय गरी १८० जनालाई पक्राउ गरिएको प्रहरीको वार्षिक तथ्याङ्कले देखाएको छ ।

प्रहरीका अनुसार पक्राउ परेकामध्ये १६८ पुरुष र पाँच जना महिला नेपाली रहेका छन् भने छ जना पुरुष र एक महिला भारतीय नागरिक रहेको प्रहरीले बताएको छ । तीमध्ये १०७ वटा मुद्दा फर्छ्योट भइसकेका छन् भने दुई वटा मुद्दा अझै बाँकी रहेका छन् ।