हिरासतबाट फरार भएका लागूऔषध मुद्दाका थुनुवा टीकापुरमै पक्राउ

धनगढी । कैलालीको टीकापुरस्थित इलाका प्रहरी कार्यालयको हिरासतबाट फरार भएका लागूऔषध मुद्दाका थुनुवा संजय नगार्जी पुनः पक्राउ परेका छन्।

टीकापुर नगरपालिका–१ निवासी ३१ वर्षीय नगार्जीलाई इलाका प्रहरी कार्यालय टीकापुर र जिल्ला प्रहरी कार्यालय कैलालीको संयुक्त टोलीले टीकापुरकै अमरावती क्षेत्रबाट पक्राउ गरेको हो। प्रहरीले दिएको जानकारीअनुसार विशेष सूचनाका आधारमा भेष परिवर्तन गरी मोटरसाइकल चलाइरहेको अवस्थामा उनलाई नियन्त्रणमा लिइएको हो। पक्राउका बेला उनले चलाइरहेको मोटरसाइकल पनि प्रहरीले बरामद गरेको छ।