अफगानिस्तानसँग श्रीलंका स्तब्ध

काठमाडौं । अफगानिस्तानले शनिबार राति एसिया कपमा श्रीलंकालाई ८ विकेटले पराजित गरेको छ । योसँगै अफगानिस्तानले प्रतियोगितामा विजयी सुरुआत गर्न सफल भयो ।

दुबई अन्तर्राष्ट्रिय क्रिकेट मैदानमा टस हारेर ब्याटिङका लागि निम्त्याइएको श्रीलंकाले १९.४ ओभरमा सबै विकेट गुमाएर १०५ रन बनाएको थियो । १०५ रनको लक्ष्य अफगानिस्तानले १०.१ ओभरमा दुई विकेट गुमाएर पूरा गर्‍यो ।