चार महिनाअघि दुलही बनेर भित्रिएकी निङमाको हत्या भएको दाबी, श्रीमान प्रहरी हिरासतमा

उदयपुर : उदयपुरको लिमचुङबुङ गाउँपालिका-३ बाराहा पिप्लेकी २० वर्षीया निङमा याङजी शेर्पा आत्महत्या प्रकरण शंकास्पद देखिएको छ। चार महिनाअघि मात्र नयाँ दुलहीको रूपमा भित्रिएकी शेर्पा आइतबार घरभित्रै मृत भेटिएकी छन्।

दसैं टीकाको भोलिपल्ट राति घरमै डोरीको पासो लगाएर आत्महत्या गरेको भनिए पनि निङमाको माइती पक्षले भने हत्या गरेको दाबी गरेको छ। निङमा घाँटीको डोरी फुकाएको अवस्थामा मृत भेटिएको प्रहरीले जनाएको छ। घाँटीको डोरी फुकाएको भेटिएकाले निङमाले आत्महत्या नभई हत्या भएको भन्दै बुबा गञ्जु शेर्पाले निष्पक्ष छानबिन गरी दोषीलाई कडा कारबाहीको माग गर्दै किटानीसहित जिल्ला प्रहरी कार्यालयमा जाहेरी दिएका छन्।