सप्तरीमा ४ महिलासहित २१ जना फरार प्रतिवादी पक्राउ

राजविराज । जिल्ला प्रहरी कार्यालय सप्तरीले दुई दिनमा २१ जना फरार प्रतिवादी पक्राउ गर्न सफल भएको छ । जसमध्ये १७ पुरुष र ४ महिला छन् ।

२०८१ पौष १ र २ गरि दुई दिन भित्र जिल्ला प्रहरी कार्यालय तथा मातहत प्रहरी कार्यालयहरुबाट खटेको प्रहरी टोलीले अदालतबाट विभिन्न मुद्दामा फैसला भई कैद तथा जरिवाना भुक्तान बाँकी रहेका ती २१ जना फरार प्रतिवादी पक्राउ गरेको सूचना अधिकारी डिएसपी जीतेन्द्र कुमार बस्नेतले जानकारी दिए ।