भक्तपुरमा प्रतिसिलिन्डर २८ सयमा ग्यास बेच्ने दुई व्यापारी पक्राउ, ८९ सिलिन्डर बरामद

खाना पकाउने एलपी ग्यास चर्को मूल्य लिई कालोबजारी गरेको आरोपमा प्रहरीले भक्तपुरका दुई छुट्टाछुट्टै स्थानबाट दुई जना व्यापारीलाई पक्राउ गरेको छ। उनीहरूको साथबाट भरिएका ८९ थान ग्यास सिलिन्डर बरामद गरिएको छ।

काठमाडौं उपत्यका अपराध अनुसन्धान कार्यालय टेकुबाट प्रहरी निरीक्षक हेमबहादुर थपलियाको कमान्डमा खटिएको टोलीले बिहीबार साँझ ५ बजे सूर्यविनायक नगरपालिका-३, ब्रम्हनगरस्थित ‘सर्लाही जनरल स्टोर’ मा छापा मारेको थियो।