कंगोमामा इबोला प्रकोप गम्भीर बन्दै: ९०० भन्दा बढीमा संक्रमणको शंका

एजेन्सी- विश्व स्वास्थ्य संगठनका महानिर्देशक टेड्रोस अधानोम घेब्रेयससले कंगोमा इबोला संक्रमण तीव्र रूपमा फैलिरहेको बताएका छन्। उनका अनुसार हालसम्म ९०० भन्दा बढी शंकास्पद इबोला संक्रमित फेला परिसकेका छन् भने १०१ जनामा संक्रमण पुष्टि भएको छ।

इबोला प्रकोप विशेषगरी पूर्वी कंगोको इतुरी क्षेत्रमा फैलिएको छ। विश्व स्वास्थ्य संगठनले यसलाई राष्ट्रिय स्तरमा ‘अत्यन्त उच्च जोखिम’ को रूपमा वर्गीकृत गरेको छ। यद्यपि हाल विश्वव्यापी फैलावटको जोखिम भने कम रहेको जनाइएको छ।